OS RIOS

A rede fluvial organízase arredor de dous cursos principais: O Ulla, e O Arnego.

O Ulla, que serve de límite Norte do Municipio, segue a orientación-O e á súa cunca verten as augas de ríos coma o Arnego que, ao seu paso polo municipio, forman un estreito val de fortes pendentes, seguindo unha dirección O-SE para unirense ao río Ulla en Brocos, onde empeza o encoro de Portodemouros.

     

 

As augas do río Ulla regan as terras e pradeiras das parroquias de Ramil, Basadre, eideán, Berredo, Artoño, Baíña, Sexo, Agra e Brocos, río de gran caudal e rico en pesca, principalmente troita.

 

As augas do río Arnego regan as terras das parroquias de Gurgueiro, Ferreiroa,Esperante, Vilariño, Carmoega, Brántega, Val, Sexto e Brocos.

     

 

O río Lentisco cruza tamén o municipio de Leste a Oeste, nacendo nas estivadas do Monte Pico Longo e Monte da Pena da Virxe, e morre entregando as súas augas no Ulla despois de percorrer uns 14 kilómetros.

Este río recibe gran número de nomes ao seu paso polos distintos puntos: río de Couso, Vila, Buxel, Lentisco, Baíña.  As súas augas regan as terras das parroquias de Borrexeiros, Artoño, Baíña, Val e sexo.

 

As actividades de ocio vencelladas aos ríos e aos seus entornos na nosa benquerida Terra de Agolada son moi numerosas e abranguen diferentes posibilidades.

No encoro de Portodemoros, na parroquia agoladense de Brocos atopamos unha remozada área recreativa dotada de novas barbacoas e bancos e mesas de pedra, onde as familias poden gozar de diferentes actividades na súa zona de xogos infantís, na súa zona de esparcemento  e praia fluvial, así como o desfrute e uso do almacén do clube de piraguismo, equipado con zona de fregadeiro, cociña, luz, aseo para diminuidos etc...

           

 

Concello de Agolada